Jurgen Klopp, stjóri Liverpool, segir að Manchester United verði að bíða eina viku til viðbótar áður en liðið fer að snúa gengi sínu við.

Liverpool heimsækir Manchester United á sunnudag. Fimmtán stig skilja liðin að fyrir leikinn en Manchester United er í 12. sæti ensku úrvalsdeildarinnar.

Ole Gunnar Solskjær, stjóri Manchester United, hefur sagt að leikurinn á sunnudag sé fullkominn tímapunktur til að koma tímabilinu í gang hjá Manchester United.

„Ég held að það séu ekki mörg lið sem elska að spila gegn okkur í augnablikinu. Það lítur út fyrir að Manchester United sé eina liðið sem vill spila gegn okkur og við þurfum að sýna þeim að það sé misskilningur," sagði Klopp.

„Ég myndi gera það sama ef að staðan væri á hinn veginn. Þetta er leikur þar sem við getum breytt heiminum. Þannig myndi ég líta á það og undirbúa mig."

„Þeir eru í stöðu sem þeir eru ekki ánægðir með og þeir vilja breyta henni."

„Við þurfum að passa upp á það ef þeir vilja breyta stöðunni þá byrji þeir á því eftir eina viku. Það er það sem skiptir máli."

Tweet

Senda a Facebook Hafdu samband Senda frétt Prenta frétt Frétta leit