19.01.04 - 00:00
Elvar Geir Magnússon
Dino Baggio til Ancona (Staðfest)
Ancona, botnlið Seríu-A, hefur fengið Dino Baggio og mun hann leika með liðinu út þetta tímabil. Ancona hefur þegar styrkt sig með Corrado Grabbi, Mario Jardel, Luciano Zavagno og Luigi Sartor þannig að lið þeirra verður gjörbreytt seinni hluta tímabilsins.
Baggio var hjá Blackburn en hann var á lánssamningi frá Lazio. Þessi miðjumaður stóð sig þó ekki vel á Englandi og mun nú fylgja Grabbi frá Ewood Park. Ancona er með aðeins 4 stig í Seríu-A.
