þri 19. janúar 2021 21:00
Aksentije Milisic
Smith Rowe: Lít upp til Bruno Fernandes
Mynd: Getty Images
Emile Smith Rowe, leikmaður Arsenal, hefur verið að koma sterkur inn í liðið að undanförnu og staðið sig mjög vel.

Mikel Arteta, stjóri Arsenal, hefur gefið stráknum tækifæri á þessari leiktíð og hefur Smith-Rowe gripið það.

Hann lagði upp eitt mark í 3-0 sigri á Newcastle í gær og þá skaut hann liðinu áfram í FA-bikarnum gegn Newcastle á dögunum.

Hann er skapandi leikmaður sem er óhræddur að keyra á varnir andstæðinganna.

Smith Rowe, sagði eftir leikinn í gær, að hann liti mikið upp til Bruno Fernandes, leikmanns Manchester United.

„Ég lít upp til Bruno (Fernandes). Tölfræðin hans er sturluð og hvernig hann spilar leikinn er heillandi."

Bruno kom til United fyrir rúmu ári síðan en hann hefur gjörbreytt spilamennsku liðsins sem er nú í toppbaráttunni í Ensku úrvalsdeildinni.
Athugasemdir
banner
banner