Karim Benzema var ekki með Real Madrid á æfingu dagsins og talað er um að franski sóknarmaðurinn sé tæpur fyrir Meistaradeildarleikinn gegn Atalanta á miðvikudag.
Spænskir fjölmiðlar segja að Benzema muni missa af La Liga leiknum gegn Real Valladolid á morgun.
Spænskir fjölmiðlar segja að Benzema muni missa af La Liga leiknum gegn Real Valladolid á morgun.
Madrídarliðið verður einnig án Carvajal, Eder Militao, Sergio Ramos, Marcelo, Federico Valverde, Alvaro Odriozola, Eden Hazard og Rodrygo á morgun.
Sergio Ramos missir líklega af báðum viðureignunum gegn Atalanta. Fyrri leikurinn verður í Bergamó á miðvikudag en seinni leikurinn í Madríd þann 16. mars.
Real Madrid er í öðru sæti La Liga en hefur leikið leik meira en topplið Atletico Madrid sem er með sex stiga forystu.
Athugasemdir