Liverpool íhugar að gera 43 milljóna punda tilboð í ítalska miðvörðinn Alessandro Bastoni (21) sem er einnig á óskalistum Bayern München og Barcelona. (Gazzetta dello Sport)

Manchester City er að vinna kapphlaupið um enska miðjumanninn Jack Grealish (25) sem lengi hefur verið orðaður við Manchester United. (Mail)

Manchester City hefur einnig áhuga á sænska bakverðinum Gabriel Gudmundsson (21) sem er hjá Groningen í Hollandi. (Calciomercato.com)

Manchester United íhugar að gera tilboð í Emiliano Martínez (28), argentínska markvörðinn hjá Aston Villa. (Football Insider)

Arsenal og Manchester United hafa áhuga á franska varnarmanninum Jules Kounde (22) en Sevilla hefur lækkað verðmiðann á leikmanninum niður í 51 milljón punda. (El Gol Digital)

Jurgen Klopp, stjóri Liverpool, segist ætla að taka sér eins árs frí þegar hann hættir hjá félaginu. (Bild)

Juan Roman Riquelme, forseti Boca Juniors, hefur rætt persónulega við Edinson Cavani (34), sóknarmann Manchester United. Argentínska félagið vill fá hann til sín. (Infobae)

Leicester City og Leeds United gætu reynt að fá tyrkneska miðjumanninn Orkun Kökcü (20) frá Feyenoord. Arsenal og Sevilla hafa verið orðuð við leikmanninn sem gæti verið fáanlegur á 10 milljónir punda. (La Razon)

Marcelo Bielsa, stjóri Leeds United, hefur talað niður þörfina til að fá sóknarmann í sumar. (Mirror)

Þýski varnarmaðurinn Antonio Rudiger (28) mun bíða þar til eftir EM með að ræða framtíð sína við Chelsea. Hann er samningsbundinn til sumarsins 2022. (Sun)

Ravel Morrison (28), fyrrum sóknarmiðjumaður Manchester United, hefur verið að æfa með Sheffield Wednesday og gæti farið til félagsin á frjálsri sölu. Morrison rifti samningi við ADO Den Haag í janúar. (Sheffield Star)

Tottenham hyggst ekki nýta sér 38 milljóna punda klásúlu um að kaupa sóknarmanninn Carlos Vinicius (25) frá Benfica. Brasilíumaðurinn kom til London síðasta sumar á lánssamningi en Tottenham hafði hug á að kaupa hann síðan. (Football Insider)

Liverpool og Tottenham hafa áhuga á bandaríska sóknarmanninum Matthew Hoppe (20) hjá Schalke. (Transfermarkt)

Wayne Rooney, stjóri Derby County, vill fá varnarmanninn Teden Mengi (18) aftur á lán frá Manchester United á næsta tímabili. (Derby Telegraph)

Roman Saiss (30), varnarmaður Úlfanna, hefur virkjað tólf mánaða framlengingu á samningi sínum eftir að hafa byrjað 20 úrvalsdeildarleiki á tímabilinu. (Express and Star)

Franski vængmaðurinn Franck Rivery (37) vill snúa aftur í þýsku Bundesliguna þegar samningur hans við Fiorentina rennur út í sumar. (Bild)