Rico Henry.
Það er búist við því að Rico Henry, vinstri bakvörður Brentford, sé illa meiddur.
Fram kemur á The Athletic að leikmaðurinn hafi mögulega slitið krossband.
Henry meiddist á 39. mínútu í 1-0 tapinu gegn Newcastle eftir einvígi við Kieran Trippier. Henry hélt strax um vinstra hnéð sitt og var ljóst að sársaukinn var mikill.
Ef meiðslin eru eins alvarleg og búist er við, þá er tímabilið búið hjá bakverðinum.
Henry hefur áður gengið í gegnum krossbandsslit en það var árið 2017. Það yrði mikið högg fyrir Brentford að missa Henry en hann er afar mikilvægur fyrir liðið.
Athugasemdir
