20.04.04 - 00:00
Elvar Geir Magnússon
Hjörvar Hafliðason í KR (Staðfest)
Mynd: Merki
Mynd: Merki
Markvörðurinn Hjörvar Hafliðason fékk í dag félagaskipti yfir til Íslandsmeistara KR en hann hefur leikið með Val undanfarin ár. Hjörvar er fæddur 1980 og kom til Vals frá HK árið 1999. Hann hefur verið í herbúðum Hlíðarendaliðsins síðan en hann missti nær alveg af tímabilunum 2001 og 2003 vegna alvarlegra hnjámeiðsla.
Hann mun verða varamarkvörður KR fyrir Kristján Finnbogason landsliðsmann. Valþór Halldórsson sem var varamarkvörður Vesturbæinga í fyrra er kominn í Hauka en hann gekk til liðs við þá í nóvember.
