þri 20. apríl 2021 19:18
Sæbjörn Þór Þórbergsson Steinke
Agnelli að segja af sér sem forseti Juventus?
Mynd: Getty Images
Ed Woodward, stjórnarformaður Manchester United, sagði af sér í kvöld eftir tíðindi dagsins. United var eitt félaganna sem ætlaði sér að hefja þátttöku í Ofurdeildinni.

Ekkert stefnir í að sú deild fari af stað þar sem Chelsea og Manchester City hafa hætt við áform sín um að taka þátt í slíkri deild.

Þessari deild var mikið mótmælt og einungis örfáir ánægðir með þessi áform. Leikmenn United mótmæltu áformunum og talað um að Luke Shaw og Harry Maguire hafi látið hæst í sér heyra.

Woodward er ekki einn af mönnunum sem hætta í sinni stöðu því á Ítalíu er greint frá því að Andrea Agnelli, forseti Juventus, sé búinn að segja af sér.

Þetta eru óstaðfestar fréttir en ítalskir miðlar hafa verið að greina frá þessu á undanförnum mínútum.


Athugasemdir
banner
banner
banner
banner