Freiburg 0 - 3 Aston Villa
0-1 Youri Tielemans ('41)
0-2 Emiliano Buendía ('45+3)
0-3 Morgan Rogers ('58)
0-1 Youri Tielemans ('41)
0-2 Emiliano Buendía ('45+3)
0-3 Morgan Rogers ('58)
Aston Villa er Evrópudeildarmeistari 2026 eftir þægilegan sigur gegn Freiburg í úrslitaleiknum sem fór fram í Istanbúl í kvöld.
Enska úrvalsdeildarliðið var talsvert sterkari aðilinn allan leikinn þar sem Þjóðverjarnir frá Freiburg sáu aldrei til sólar.
Villa skapaði sér ekki mikið af færum en gæðin í liðinu skinu í gegn þegar Youri Tielemans náði forystunni á 41. mínútu og Emiliano Buendía tvöfaldaði hana svo undir lok uppbótartíma fyrri hálfleiks. Þeir skoruðu stórglæsileg mörk til að koma Villa í frábæra stöðu.
20.05.2026 20:00
Sjáðu mörkin: Algjör draumamörk hjá Aston Villa
Síðari hálfleikurinn hélt áfram í svipuðu fari. Freiburg komst ekkert áleiðis gegn skipulögðu liði Villa sem var áræðið í sóknarleik sínum og innsiglaði Morgan Rogers sigurinn á 58. mínútu.
Rogers skoraði af stuttu færi eftir laglegt hlaup í vítateignum en Buendía skapaði markið með frábærri stoðsendingu.
Villa skapaði sér góðar stöður til að bæta fjórða markinu við en tókst ekki, svo lokatölur urðu 0-3.
Þetta er fyrsti mikilvægi Evróputitill Aston Villa síðan 1982. Freiburg steinlá í sínum fyrsta úrslitaleik í Evrópukeppni.
