Xavi þarf annan framherja í liðið
Xavi, þjálfari Barcelona á Spáni, segir að félagið þurfi framherja í stað Memphis Depay.
Depay skrifaði í gær undir þriggja ára samning við Atlético Madríd en hann kemur inn fyrir Joao Felix sem hélt til Chelsea.
Barcelona þarf nú annan framherja inn í hópinn en óvíst er hvort félagið hafi efni á því í þessum glugga.
„Ég veit ekki ef það koma nýir leikmenn inn í liðið, en nú þegar Memphis Depay er farinn þá held ég að það sé þörf á því að fá framherja. Sjáum til hvort það sé mögulegt en annars munum við spjara okkur,“ sagði Xavi.
Dries Mertens, Roberto Firmino og Luis Muriel eru allir orðaðir við Börsunga.
