Leikmenn Kríu skiptu mörkunum bróðurlega á milli sín er þeir lögðu Hörð frá Ísafirði að velli í C-deild Lengjubikarsins í dag.

Páll Bjarni Bogason gerði eina mark fyrri hálfleiksins skömmu fyrir leikhlé og tvöfaldaði Pétur Már Harðarson forystuna svo skömmu eftir leikhléð.

Björn Valdimarsson og Ástþór Arnórsson kláruðu dæmið fyrir Kríu sem er á toppi riðilsins með 7 stig eftir 3 umferðir. Hörður er án stiga eftir tvo leiki.