Klukkan 14:00 mætast KA og Vestri í Bestu deild karla. KA hefur aðeins fengið eitt stig úr fyrstu tveimur leikjunum en Vestri er áfram án stiga.

Klukkan 17:00 mætast nýliðar ÍA og Fylkir klukkan 17:00 í Akraneshöllinni. Skagamenn eru með 3 stig á meðan Fylkir er með eitt stig.

Stórslagur umferðarinnar er síðan klukkan 19:00 er Víkingur og Breiðablik eigast við í Víkinni. Þessi lið hafa verið tvö bestu lið deildarinnar síðustu ár og er yfirleitt boðið upp á mikinn hita, spjöld og öllu sem því fylgir. Bæði lið eru með fullt hús stiga.

Besta deild kvenna fer þá af stað en einn leikur er á dagskrá er ríkjandi meistarar Vals mæta Þór/KA á N1-vellinum á Hlíðarenda klukkan 15:00. Tindastóll og FH áttu að mætast klukkan 16:00 á Sauðárkróksvelli, en leiknum hefur verið frestað vegna vallaraðstæðna.

Einnig er spilað í fyrstu umferð í Mjólkurbikar kvenna en hér fyrir neðan má sjá alla leiki dagsins.

Leikir dagsins:

Besta-deild karla
14:00 KA-Vestri (Greifavöllurinn)
17:00 ÍA-Fylkir (Akraneshöllin)
19:15 Víkingur R.-Breiðablik (Víkingsvöllur)

Besta-deild kvenna
15:00 Valur-Þór/KA (N1-völlurinn Hlíðarenda)

Mjólkurbikar kvenna
13:00 Fjölnir-Sindri (Egilshöll)
14:00 Njarðvík-ÍH (Nettóhöllin-gervigras)
14:00 Völsungur-FHL (PCC völlurinn Húsavík)
15:00 Augnablik-Fram (Kópavogsvöllur)
15:00 Smári-Grindavík (Fagrilundur - gervigras)

Lengjubikar karla - C-deild, riðill 1
14:15 Úlfarnir-Hörður Í. (Lambhagavöllurinn)