Wan-Bissaka til Aston Villa (Staðfest)

Aaron Wan-Bissaka er genginn í raðir Aston Villa á láni með kaupákvæði frá West Ham. Uppfylli bakvörðurinn ákveðin skilyrði verða félagaskiptin varanleg næsta sumar.

Kaupverðið er talið nema rúmlega 20 milljónum punda. Bakvörðurinn var lykilmaður í liði West Ham á síðasta tímabili sem féll niður í Championship deildina.

Wan-Bissaka fór með Kongó á HM í sumar en hann hefur ekki verið í leikmannahópi West Ham síðustu vikur.

Hann var ekki með í æfingaleikjum á undirbúningstímabilinu og var ekki í hóp í fyrstu tveimur keppnisleikjum nýs tímabils.

Aston Villa mætir Brighton á útivelli á sunnudag í fyrstu umferð ensku úrvalsdeildarinnar.