Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   þri 21. september 2021 23:16
Guðmundur Aðalsteinn Ásgeirsson
Klopp svaraði Gordon: Hann á ekkert að vera að þakka fyrir
Kaide Gordon.
Kaide Gordon.
Mynd: Getty Images
Hinn 16 ára gamli Kaide Gordon þreytti frumraun sína með Liverpool gegn Norwich í deildabikarnum í kvöld. Liverpool vann leikinn 3-0 og Gordon spilaði allan leikinn.

Gordon verður sautján ára eftir tvær vikur en hann er kantmaður sem getur einnig spilað fyrir aftan framherjann. Hann á að baki þrjá leiki fyrir yngri landslið Englands.

Liverpool greiddi Derby eina milljón punda fyrir leikmanninn í fyrra og getur kaupverðið hækkað upp í þrjár millljónir punda.

Gordon þótti standa sig vel í leiknum og fékk hann 7 í einkunn frá Liverpool Echo.

Jurgen Klopp, stjóri Liverpool, sagði frá því eftir leik að Gordon hefði þakkað sér fyrir tækifærið. Klopp svaraði honum og sagði:

„Hann á ekkert að vera að þakka fyrir, hann átti þetta skilið. Þessir ungu strákar eru góðir og ég þakka Guði fyrir að þeir eru í okkar liði," sagði Klopp.
Athugasemdir
banner
banner
banner
banner