Gísli Eyjólfsson gerði bæði mörk Blika
Breiðablik er komið í úrslitaleik A-deildar Fótbolta.net mótsins eftir 2-0 sigur á grönnum þeirra í HK en liðin áttust við í Kórnum í dag. Gísli Eyjólfsson skoraði bæði mörk Blika.
Bæði mörk Blika komu í fyrri hálfleiknum. Gísli skoraði fyrra markið eftir sendingu frá Jasoni Daða Svanþórssyni áður en hann bætti við öðru marki undir lok fyrri hálfleiks. Kristinn Steindórsson lagði upp síðara markið.
Þetta var þriðji sigur Blika af þremur mögulegum í riðlinum og leikur liðið því til úrslita en líklegast er að liðið mætir Stjörnunni sem er með fullt hús stiga í riðli 2.
Leiknir R. vann þá Keflavík, 2-1. Birgir Baldvinsson og Shkelzen Veseli gerðu mörk Leiknis áður en Ásgeir Páll Magnússon minnkaði muninn fyrir Keflavík. Leiknismenn hafnaði því í 2. sæti riðilsins og spila um 3. sætið en ekki er ljóst hver andstæðingur þeirra verður. Keflavík spilar um 5. sætið á meðan HK spilar um 7. sætið.
Úrslit og markaskorarar:
A-deild riðill 1:
Breiðablik 2 - 0 HK
1-0 Gísli Eyjólfsson
2-0 Gísli Eyjólfsson
Keflavík 1 - 2 Leiknir R.
0-1 Birgir Baldvinsson
0-2 Shkelzen Veseli
1-2 Ásgeir Páll Magnússon
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
