Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   lau 22. febrúar 2020 10:30
Guðmundur Aðalsteinn Ásgeirsson
Jota til Man Utd? - Að hætta við Pogba fyrir 17 ára leikmann
Powerade
Diogo Jota.
Diogo Jota.
Mynd: Getty Images
Eduardo Camavinga þykir mjög efnilegur.
Eduardo Camavinga þykir mjög efnilegur.
Mynd: Getty Images
Mustafi telur sig geta spilað mikilvægt hlutverk.
Mustafi telur sig geta spilað mikilvægt hlutverk.
Mynd: Getty Images
Það er komið að slúðri dagsins þennan laugardaginn. BBC tók saman þessa punkta.

Manchester United hefur áhuga á að fá portúgalska framherjann Diogo Jota (23) frá Wolves í sumar. Jota skoraði þrennu þegar Úlfarnir unnu 4-0 sigur á Espanyol í Evrópudeildinni í vikunni. (Calciomercato)

Real Madrid er tilbúið að hætta við Paul Pogba (26), miðjumann Manchester United, og fá frekar Eduardo Camavinga (17) frá Rennes í Frakklandi. (Marca)

Barcelona ætlar að reyna að fá Bernardo Silva (25) frá Manchester City. (Express)

Barca er þá tilbúið að keppa við Chelsea í baráttunni um markvörðinn Andre Onana (23) hjá Ajax. Onana var á mála hjá Barcelona áður en hann fór til Ajax 2015. (Diario Sport)

Efstur á óskalista Arsenal er Jonathan Tah (24), miðvörður Bayer Leverkusen í Þýskalandi. Hann er með 34 milljón punda riftunarverð í samningi sínum. (Bild)

Massimiliano Allegri, fyrrum stjóri Juventus, hefur gefið í skyn að hann vilji vera byrjaður aftur að vinna í fótbolta fyrir september. Manchester United er eitt af þeim félögum sem fylgist með stöðu Ítalans. (Mirror)

Zinedine Zidane, þjálfari Real Madrid á Spáni, hefur sagt að Raheem Sterling (25) sé mjög góður leikmaður en var ekki tilbúinn að ræða um mögulegt tilboð í þennan kantmann Manchester City. (Goal.com)

Steve Parish, stjórnarformaður Crystal Palace, segir að félagið eigi möguleika á að kaupa tyrkneska sóknarmanninn Cenk Tosun (28) frá Everton í sumar. Tosun er núna á láni hjá Palace. (Liverpool Echo)

Shkodran Mustafi (27), varnarmaður Arsenal, telur sig geta spilað mikilvægt hlutverk í framtíð félagsins. (Mirror)

Tottenham, Everton og Liverpool hafa áhuga á Ugurcan Cakir (23), markverði Trabzonspor, toppliðs tyrknesku úrvalsdeildarinnar. (Fanatik)

Manchester United er að ræða um á framlengingu á samningi við Angel Gomes (19) og Tahith Chong (20). (Goal.com)

Dietmar Hamann, fyrrum miðjumaður Liverpool, segir að landi sinn, Timo Werner (23) eigi frekar að skoða að fara til Chelsea eða Manchester United en Liverpool. Werner, sem er á mála hjá RB Leipzig, hefur verið sterklega orðaður við Liverpool. (Goal.com)

Steve Bruce, þjálfari Newcastle, segir að félagið sé í viðræðum við Jonjo Shelvey (27) og Matt Ritchie (30) um nýja samninga. (Shield Gazzette)

Les Ferdinand, yfirmaður knattspyrnumála hjá QPR, telur að miðjumaðurinn Luke Amos (22) geti gefið Tottenham aðra vídd í leik sinn. Amos er í láni hjá QPR frá Tottenham. (Football.london)
Athugasemdir
banner
banner
banner
banner
banner