Lengjudeild kvenna: HK aftur á sigurbraut

HK er komið upp í 2. sæti Lengjudeildar kvenna eftir góðan 2-0 sigur á Grindavík í Kórnum í kvöld.

Gabriella Lindsay Coleman kom HK á bragðið á 29. mínútu áður en Isabella Eva Aradóttir gerði annað mark liðsins í upphafi síðari hálfleiks.

HK hafði tapað síðustu tveimur leikjum sínum í deildinni eftir annars góða byrjun og er nú í öðru sæti með 18 stig, stigi á eftir toppliði FH.

Grindavík er á meðan í 6. sæti með 7 stig.