22.10.26 - 19:14
Ívan Guðjón Baldursson
Alma Mathiesen í Hauka (Staðfest) - Aldís Kara framlengir
Mynd: Haukar
Mynd: Haukar
Kvennalið Hauka var að kynna til leiks mikinn liðsstyrk sem kemur úr röðum FH.
Alma Mathiesen, sem skoraði 8 mörk í 15 leikjum á láni hjá HK í Lengjudeildinni í sumar, er búin að gera tveggja ára samning við Hauka.
Alma er fædd 2003 og uppalin hjá Gróttu og KR. Hún á leiki að baki í efstu deild með KR, Stjörnunni og FH og þá lék hún einn leik fyrir U19 landsliðið.
Alma gerir tveggja ára samning við Hauka og eru þetta frábærar fregnir fyrir félagið.
Á svipuðum tíma var tilkynnt að Aldís Kara Lúðvíksdóttir sé búin að framlengja sinn samning við Hauka um eitt ár. Aldís er mikill reynslubolti sem raðaði inn mörkum með Breiðabliki fyrir rúmum áratugi síðan.
Aldís er fædd 1994 og skoraði 6 mörk í 4 leikjum í deild og bikar í sumar. Hún var á sínum tíma algjör lykilmaður upp yngri landsliðin og skoraði 19 mörk í 28 unglingalandsleikjum, án þess að taka stökkið upp í A-landsliðið.
Alma er fædd 2003 og uppalin hjá Gróttu og KR. Hún á leiki að baki í efstu deild með KR, Stjörnunni og FH og þá lék hún einn leik fyrir U19 landsliðið.
Alma gerir tveggja ára samning við Hauka og eru þetta frábærar fregnir fyrir félagið.
Á svipuðum tíma var tilkynnt að Aldís Kara Lúðvíksdóttir sé búin að framlengja sinn samning við Hauka um eitt ár. Aldís er mikill reynslubolti sem raðaði inn mörkum með Breiðabliki fyrir rúmum áratugi síðan.
Aldís er fædd 1994 og skoraði 6 mörk í 4 leikjum í deild og bikar í sumar. Hún var á sínum tíma algjör lykilmaður upp yngri landsliðin og skoraði 19 mörk í 28 unglingalandsleikjum, án þess að taka stökkið upp í A-landsliðið.
