Danilo verður frá í tvo mánuði.
Juventus hefur staðfest að varnarmaðurinn Danilo verði frá í að minnsta kosti átta vikur. Hann er meiddur í vinstra læri.
Danilo, sem er 30 ára, varð fyrir meiðslunum í fyrri hálfleik í leiknum gegn Lazio á laugardag.
Danilo er fastamaður í liði Juve og hefur spilað fjórtán leiki á tímabilinu. Aðeins Leonardo Bonucci, Manuel Locatelli og Wojciech Szczesny hafa spilað fleiri mínútur fyrir Juve.
Danilo gekk í raðir Juventus fyrir 37 milljónir punda frá Manchester City árið 2019. Hann hefur spilað 91 leik fyrir Juve.
Juventus er í áttunda sæti ítölsku A-deildarinnar.
Athugasemdir
