22.11.26 - 09:30
Ívan Guðjón Baldursson
Annar leikmaðurinn í sögu Roma til að skora yfir 25 mörk


Mynd: EPA


Mynd: EPA


Mynd: EPA
Hollendingurinn markheppni Donyell Malen setti fernu í stórsigri AS Roma gegn Parma í gær og hefur þar með skorað 26 deildarmörk frá komu sinni til félagsins í síðasta janúarglugga.

TENGT EFNI
Ítalía: Malen setti fernu
Malen hefur í heildina skorað 31 mark og gefið 8 stoðsendingar í 35 leikjum í öllum keppnum - þar af eru 26 mörk og 5 stoðsendingar í 29 leikjum í Serie A.
Malen hefur þegar skrifað sig í sögubækur Roma en hann er aðeins annar leikmaður í 99 ára sögu félagsins til að skora meira en 25 deildarmörk á dagatalsári.
Goðsögninni Francesco Totti, sem lék aftar á vellinum heldur en Malen, tókst ekki að afreka þetta, heldur var það Pedro Manfredini sem skoraði 26 mörk dagatalsárið 1960.
Malen er því á góðri leið með að verða fyrsti leikmaður í sögu félagsins til að skora 30 deildarmörk á sama árinu.
Roma, sem er í toppbaráttu í deildinni, á eftir að spila við Monza, Bologna, Lazio og Juventus fyrir jólafrí.
Malen hefur þegar skrifað sig í sögubækur Roma en hann er aðeins annar leikmaður í 99 ára sögu félagsins til að skora meira en 25 deildarmörk á dagatalsári.
Goðsögninni Francesco Totti, sem lék aftar á vellinum heldur en Malen, tókst ekki að afreka þetta, heldur var það Pedro Manfredini sem skoraði 26 mörk dagatalsárið 1960.
Malen er því á góðri leið með að verða fyrsti leikmaður í sögu félagsins til að skora 30 deildarmörk á sama árinu.
Roma, sem er í toppbaráttu í deildinni, á eftir að spila við Monza, Bologna, Lazio og Juventus fyrir jólafrí.


Mynd: EPA
