Fotbolti.net
21.11.26 - 23:03
Ívan Guðjón Baldursson

34 ára Courtois búinn að framlengja

34 ára Courtois búinn að framlengja
Canon

Mynd: EPA

Meistaradeild
Belgíski markvörðurinn Thibaut Courtois er búinn að framlengja samning sinn við spænska risaveldið Real Madrid um eitt ár. Samningurinn gildir til sumarsins 2028.
Courtois að framlengja við Real Madrid
TENGT EFNI

Courtois að framlengja við Real Madrid

Fregnirnar bárust í gær, eftir að Real Madrid hafði tilkynnt um nýja samninga við Arda Güler og Aurélien Tchouaméni á síðustu dögum.

Courtois er 34 ára gamall og gaf ekki kost á sér með Belgíu í Þjóðadeildinni til að fá hvíld frá landsliðinu og gefa öðrum markvörðum tækifæri.

Markvörðurinn öflugi stefnir þó á að fara með Belgíu á næsta Evrópumót ef Mark van Bommel landsliðsþjálfari vill hafa hann með.

Courtois hefur spilað 349 leiki á rúmum átta árum með Real Madrid. Hann á þar að auki 115 landsleiki að baki og lék fyrir Chelsea, Atlético Madrid og Genk áður en hann skipti til Real.


34 ára Courtois búinn að framlengja
Canon

Mynd: EPA

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.