Mikkelsen skoraði fyrir Breiðablik.
Breiðablik 2 - 0 Víkingur R.
1-0 Thomas Mikkelsen ('22)
2-0 Aron Bjarnason ('90)
1-0 Thomas Mikkelsen ('22)
2-0 Aron Bjarnason ('90)
Breiðablik lagði Víking R. að velli í fyrsta leik dagsins í Lengjubikarnum. Leikurinn fór fram í Fífunni í Kópavogi.
Á 22. mínútu skoraði Thomas Mikkelsen og kom hann Blikum yfir. Daninn kom til Blika um mitt síðasta sumar og reyndist mikill happafengur. Hann verður áfram í Breiðabliki á komandi tímabili.
Staðan var 1-0 í hálfleik. Undir lok leiksins skoraði varamaðurinn Aron Bjarnason og bætti við öðru marki. Lokatölur 2-0 fyrir Breiðablik.
Atli Hrafn Andrason sem Víkingur fékk í gær lék fyrri hálfleikinn í dag. Júlíus Magnússon var ekki með í dag.
Breiðablik er með sex stig eftir tvo leiki. Víkingur er án stiga eftir tap gegn FH í fyrstu umferð.
Athugasemdir
