Hendrickx á leið í KA?

Hægri bakvörðurinn Jonathan Hendrickx er orðaður við endurkomu í íslenska boltann en sjónvarpsmaðurinn Guðmundur Benediktsson segir frá því á Twitter að samkvæmt sínum heimildum fari hann til KA.

Hendrickx, sem verður 27 ára í desember, lék með Breiðabliki 2018 og fyrri hluta tímabils 2019 áður en hann hélt heim til Belgíu og gekk í raðir Lommel.

Hendrickx er fyrrum leikmaður FH og hafa verið sögusagnir í gangi um mögulega endurkomu hans í Kaplakrikann. Miðað við skrif Gumma Ben virðist hann þó á leið norður á Akureyri.