Timm til Viking að láni (Staðfest)

Norska liðið Viking Stavangri sem að Hannes Þ. Sigurðsson leikur með hefur fengið danska sóknarmanninn Mads Timm að láni frá Manchester United í fjóra mánuði. Timm sem að er aðeins 19 ára gamall hefur verið fastamaður í varaliði Englandsmeistaranna en hann lék sinn fyrsta leik með aðalliðinu gegn Maccabi Haifa í Meistaradeildinni á síðustu leiktíð. Timm mun leika með Viking þar til í júlí en þá mun hann koma aftur til Manchester United og hefja undirbúning fyrir næsta tímabil. Timm getur einnig leikið á miðjunni en ljóst er að Hannes Þ. Sigurðsson hefur fengið harða samkeppni um framherjastöðuna.