„Hayet fyrirgefðu mér. Hver sem ákvörðun þín er verður þú áfram í mínum augum kona lífs míns, og sérstaklega móðir yndislegu barnanna okkar. Ég á þessa niðurlægingu skilið þó hún drepi mig lifandi. Ef guð leyfir þá muntu einn daginn fyrirgefa mér," skrifaði Abidal í færslu á Instagram í gær.
Abidal er í færslunni að grátbiðja eiginkonu sína um að fyrirgefa sér framhjáhald með fótboltakonunni Kheira Hamraoui. Þau Abidal og Hayet hafa verið gift síðan 2003 og eiga fimm börn saman.
Abidal er í færslunni að grátbiðja eiginkonu sína um að fyrirgefa sér framhjáhald með fótboltakonunni Kheira Hamraoui. Þau Abidal og Hayet hafa verið gift síðan 2003 og eiga fimm börn saman.
Abidal á að hafa átt í ástarsambandi með Hamraoui þegar hún lék með Barcelona. Hamraoui er leikmaður PSG í dag. Málið hefur vakið mikla athygli en eiginkona Abidal er sögð á bakvið árás á Hamraoui á dögunum.
Upprifjun á málinu:
Það réðust tveir grímuklæddir menn á Hamraoui fyrir utan heimili hennar fyrr í þessum mánuði og börðu hana í fæturna með járnröri. Hún hefur í kjölfarið misst af leikjum með PSG vegna meiðsla.
Spjótin beindust fyrst að Aminata Diallo, liðsfélaga Hamraoui, en talið var að hún hefði skipulagt árásina ásamt vini sínum sem situr í fangelsi í Lyon.
Lögreglan sleppti Diallo úr varðhaldi og neitar hún sök í málinu en nú liggur grunur um að Hayet, eiginkona Eric Abidal, hafi skipulagt árásina.
Hayet er búin að sækja um skilnað við Eric en hann á að hafa viðurkennt fyrir henni að hann hefði haldið við Hamraoui er franska landsliðskonan spilaði með Barcelona.
Í yfirlýsingu frá lögmönnum hennar í síðustu viku kom fram að Abidal hafi viðurkennt að hafa haldið framhjá henni með Hamraoui.
Abidal lék með Barcelona á árunum 2007-13 og var svo yfirmaður knattspyrnumála hjá félaginu 2018-20. Hamraoui lék með Barcelona á árunum 2018-21 en skipti yfir til PSG í sumar.
Athugasemdir