Fyrsti Japaninn til að ganga í raðir Ipswich (Staðfest)

Maeda er 28 ára gamall sóknarmaður og hefur gegnt lykilhlutverki hjá Celtic undanfarin ár. Hann skoraði 14 mörk í deildinni á síðustu leiktíð og varð þá skoskur meistari með félaginu fimmta árið í röð.

Japaninn var einnig á meðal markaskorara á heimsmeistaramótinu í sumar. Eina mark hans á mótinu kom í 1-1 jafntefli gegn Svíþjóð í riðlakeppninni.

Ipswich greiðir átta milljónir punda fyrir Maeda en kaupverðið getur hækkað í tíu milljónir verði ákveðnum skilyrðum fullnægt. Hann skrifaði undir þriggja ára samning og segist spenntur fyrir því að láta ljós sitt skína í ensku úrvalsdeildinni. Hann verður fyrsti Japaninn til að spila fyrir félagið.

„Ég er stoltur af því að hafa skrifað undir hjá Ipswich Town. Mig hefur alltaf dreymt um að spila í ensku úrvalsdeildinni og ég er ánægður með að geta látið þann draum rætast með þessu félagi.“

„Ég hef haft mjög gaman af samtölunum við félagið og hér hefur verið tekið á móti mér opnum örmum. Markmiðið er að berjast af krafti, skora mörk og leggja upp fyrir liðsfélaga mína. Ég mun alltaf hlaupa og gefa allt sem ég á. Ég er einnig spenntur fyrir því að kynnast félaginu betur og hitta stuðningsmennina,“ sagði Maeda.

The first Japanese player to join Ipswich Town. ????????

We are delighted to announce the signing of Daizen Maeda from Celtic for an undisclosed fee.

— Ipswich Town (@IpswichTown) July 25, 2026