Man Utd vill fá Phillips - Newcastle fær leikmenn frá Sádi-Arabíu
Sölvi Geir stýrði Víkingum í úrslitaleiknum - „Arnar er í fjölskyldufríi fyrir norðan“
Halldór Árna: Þessir Bose-leikir gert mikið fyrir menn
Aron Jóhanns: Maggi reynt að fá mig þrisvar og mig langað að fara í öll skiptin
Ósátt með vinnubrögð Breiðabliks - „Fékk mig til að hugsa að þarna ætlaði ég ekki að vera lengur"
Endaði tímabilið á flugi - „Kallarnir voru sáttir en ég vil vera ofar"
„Er að reyna finna hjá sjálfum mér hvaða næsta skref er rökréttast"
Ísak Snær: Var mikið að hugsa hvort ég myndi spila fótbolta aftur
Karólína Lea: Langt síðan við höfum unnið svo ég fékk aðeins að njóta lengur
Hildur Antons: Þegar það er laus bolti inn í teig þá hendir maður sér á hann
Steini um íþróttamálaráðherra: Allavega ætla ég ekki að kjósa hann
Diljá sá markið fyrir sér í gærkvöldi - „Hef gert þetta nokkrum sinnum áður"
Glódís: Þurfum ekki alltaf að skora áður en að við getum slakað á
Einn af sex í Svíþjóð sem náðu eftirtektarverðum áfanga - „Mjög hreykinn af því"
Viktor: Vil sjá Breiðablik og Kópavogsbæ setja fullan kraft í það
Fyrirliðinn pirraður með uppskeruna - „Öðruvísi andrúmsloft en á venjulegum fótboltaleik"
Dóri Árna: Ótrúlegt að dómarateymið og UEFA hafi tekið þátt í þessu leikriti
Glódís: Skiptir ekki höfuðmáli hvaða kerfi við spilum
Steini: Kuldinn skiptir ekki máli en það verða læti í þeim
Sædís: Virkilega þakklát og stolt af byrjunarliðssætinu
Hlín: Verður mikill líkamlegur barningur
banner
   mán 25. september 2023 12:38
Guðmundur Aðalsteinn Ásgeirsson
Düsseldorf
Glódís um misskilninginn: Það skipti kannski ekki höfuðmáli
,,Þannig förum við inn í leikinn á móti Þýskalandi"
watermark Glódís Perla Viggósdóttir.
Glódís Perla Viggósdóttir.
Mynd: Jónína Guðbjörg Guðbjartsdóttir
watermark Frá æfingu fyrr í dag.
Frá æfingu fyrr í dag.
Mynd: Jónína Guðbjörg Guðbjartsdóttir
„Við tókum fína æfingu í gær og höfum verið að funda mikið, að fara yfir hlutina eftir leikinn gegn Wales og fyrir leikinn gegn Þýskalandi," sagði Glódís Perla Viggósdóttir, fyrirliði landsliðsins, þegar hún ræddi við Fótbolta.net í Düsseldorf í dag.

„Það fer vel um okkur."

Annað kvöld spilar Ísland sinn annan leik í Þjóðadeildinni er þær mæta ógnarsterku liði Þýskalands. Stelpurnar byrjuðu Þjóðadeildina á 1-0 sigri gegn Wales og stefna á að bæta við stigum á töfluna á morgun.

„Það var margt í leiknum gegn Wales sem við getum tekið áfram með okkur inn í þessa keppni. Varnarleikurinn var sterkur. Ég er gríðarlega ánægð að hafa byrjað þetta og vonandi gefur þetta okkur sjálfstraust inn í þessa keppni."

Varnarleikurinn var sterkur en liðið getur haldið betur í boltann. Glódís er sammála því en segir líka: „Að sama skapi má ekki gleyma því að þegar Ísland hefur náð árangri, þá snýst það ekki um að vera góðar með boltann. Það snýst frekar um að spila sterkan varnarleik; íslenska geðveikin. Það er sama hvaða landslið það er, hvort það sé við eða karlarnir, þá einkennir það okkur. Við verðum að passa okkur á því að missa ekki marks á því að það er það sem gerir okkur Ísland. Þannig förum við inn í leikinn á móti Þýskalandi."

Það gekk gríðarlega vel í 4-4-2 varnarleiknum
Glódís er fyrirliði liðsins og leiðtoginn á vellinum, sérstaklega varnarlega. Það vakti athygli eftir leikinn gegn Wales að hún talaði um smá misskilning í skipulagi í viðtali við RÚV, sem hafði þó engin áhrif á leikinn. „Við áttum ekki að verjast í 4-4-2, það var einhver misskilningur," sagði Glódís hlæjandi að leikslokum. „Ég hélt það í fyrri hálfleik en það var ekki þannig. Ég tek það á mig," sagði Glódís.

Stelpurnar áttu að verjast í 4-2-3-1 eða 4-3-3 gegn Wales og reyndu að sækja í útgáfu af 3-5-2. Glódís var spurð frekar út í þessi ummæli í viðtali áðan.

„Það gekk gríðarlega vel í 4-4-2 í varnarleiknum. Það skipti kannski ekki höfuðmáli hvort að annar framherjinn væri alltaf að spila aðeins neðar eða ekki. Við höfum svolítið verið að mixa kerfunum, hvort við séum að spila hápressu eða lágpressu eða með boltann. Það er því kannski ekki óeðlilegt að inn á milli séu ekki allir í réttum stöðum alltaf. Við verðum að geta leyst það inn á vellinum og mér fannst við gera það á móti Wales," segir Glódís.

„Í fótbolta er hægt að tala um kerfi og alls konar. Á endanum snýst þetta mest um að gera þetta sem lið og leysa það sem kemur upp inn á vellinum. Það er ekki hægt að teikna upp allt sem gerist og maður þarf að bregðast við því."

Varnarleikurinn gegn Wales var frábær og liðið fékk ekki á sig mörg færi í leiknum.

„Mér fannst við ná að leysa varnarleikinn vel og það verður algjör lykill á móti Þýskalandi líka. Þar erum við að mæta liði sem er enn betra með boltann og með betri einstaklinga. Við þurfum að vera klár í það og við þurfum að klára einvígin," segir Glódís.

Hægt er að sjá viðtalið í spilaranum hér að ofan þar sem Glódís ræðir meðal annars um leikinn fræga gegn Þýskalandi árið 2017.
Athugasemdir
banner
banner