12.11.26 - 12:30
Kári Snorrason
Bjóða á umspilsleikinn gegn Portúgal - Vilja fylla Laugardalsvöll
KSÍ og bakhjarlar bjóða inn á völlinn.
Mynd: Fótbolti.net - Haukur Gunnarsson
KSÍ og bakhjarlar bjóða inn á völlinn.
Mynd: Fótbolti.net - Haukur Gunnarsson
Frítt verður á umspilsleik kvennalandsliðsins gegn Portúgal þann 5. desember. KSÍ og bakhjarlar sambandsins bjóða inn á völlinn og segir í tilkynningu KSÍ að markmiðið sé að fylla Laugardalsvöll.
Um er að ræða seinni umspilsleik þjóðanna en sá fyrri fer fram í Portúgal, 1. desember. Sigurlið einvígisins tryggir sér sæti á HM í Brasilíu næsta sumar.
Um er að ræða seinni umspilsleik þjóðanna en sá fyrri fer fram í Portúgal, 1. desember. Sigurlið einvígisins tryggir sér sæti á HM í Brasilíu næsta sumar.
TENGT EFNI
Landsliðshópurinn - Koma þær Íslandi á HM?
Almenna boðsmiðaferlið opnar 17. nóvember klukkan 12:00. Boðsmiðar verða sóttir í miðakerfi KSÍ og verða með númeruðum sætum. Hægt verður að sækja um boðsmiða til miðnættis 23. nóvember. Miðum verður í framhaldinu úthlutað af handahófi.
Kvennalandsliðið hefur einu sinni fyllt Laugardalsvöll en það var í 2-0 tapi gegn Þýskalandi árið 2018. Sigur í þeim leik hefði tryggt Íslandi sæti á HM 2019.
Kvennalandsliðið hefur einu sinni fyllt Laugardalsvöll en það var í 2-0 tapi gegn Þýskalandi árið 2018. Sigur í þeim leik hefði tryggt Íslandi sæti á HM 2019.
