Mikil breyting á Rooney sem blæs á kjaftasögur

„Ég hef séð mikið talað um að ég sé á þessu pennadæmi. Það er kjaftæði og leiðinleg umræða því ég hef lagt á mig mikla vinnu til að léttast," segir Wayne Rooney.

Þessi fyrrum sóknarmaður Englands og Manchester United hefur lést mikið með breyttum lífsstíl og sást það bersýnilega þegar hann mætti á frumsýningu á nýjum þáttum um Rooney fjölskylduna sem sýndir verða á Disney+.

Rooney, sem er 40 ára, blæs á sögur um að hann hafi notað hinn svokallaða 'megrunarpenna' heldur hafi árangurinn einfaldlega náðst með æfingum og breyttu mataræði.

Rooney fór í þjálfun eftir að ferlinum lauk en hefur að undanförnu haslað sér frekari völl sem sparkspekingur í fjölmiðlum.