Gallas spáir því að Tottenham eða Chelsea vinni Englandsmeistaratitilinn

Á sunnudag tekur Chelsea á móti Tottenham á Stamford Bridge.

Samkvæmt veðbönkum eru Liverpool og Manchester City líklegust til að vinna titilinn en Gallas telur að bikarinn fari til Lundúna.

„Eftir að hafa horft á Chelsea, Arsenal og Tottenham spila þá get ég fullyrt að Arsenal vinnur ekki deildina. En ég held að titillinn fari í höfuðborgina," segir Gallas en hann spilaði fyrir öll þessi þrjú lið.

„Ég hlakka mikið til að sjá leik Chelsea gegn Tottenham um helgina. Meiðsli Alderweireld eru leiðinleg. Hann er stjórnandinn í vörninni."