Sterkastur í 27. umferð - Skemmtilegustu mánuðir lífsins

Þorri skoraði bæði mörk Þórs í 1-2 sigri eftir að Akureyringar höfðu lent undir snemma leiks. Hann skóp þannig ótrúlega dýrmætan sigur, sem fellir á sama tíma nágrannana í KA niður í Lengjudeildina.

Þorri er hjá Þór á láni frá uppeldisfélaginu Víkingi R. og skoraði 4 mörk í 11 deildarleikjum á seinni hluta sumars.

„Við sýndum það gegn Stjörnunni að við höfum karakterinn til að koma til baka og ég hafði alltaf trú á verkefninu," sagði Þorri að leikslokum, eftir að hafa hrósað stuðningsmönnum Þórs í hástert sem voru mættir snemma á völlinn til að styðja sína menn áfram í upphituninni.

Þorri er ánægður með mörkin sín en ósáttur með að hafa ekki fengið dæmda vítaspyrnu í leiknum. Hann taldi sig eiga að fá tvær vítaspyrnur, en Helgi Mikael Jónasson dómari flautaði ekki.

„Ég er vel pirraður með báðar vítaspyrnurnar. Ég var eitthvað pirraður í byrjun og fannst svo eins og Helgi væri ósáttur við mig og að refsa mér eða eitthvað. Ég veit það ekki, mér fannst þetta fáránlegt en ég er sáttur með sigurinn.

„Það er liðið sem skilaði sigrinum í dag, við fengum bara eitt mark á okkur og ég er eiginlega bara heppinn í fyrsta markinu þegar ég fæ boltann bara í mig og inn."

Þorri viðurkennir að byrjunin hafi verið erfið í Þór en talar um síðustu mánuði sem þá skemmtilegustu í lífi sínu.

„Seinustu tveir mánuðir hafa verið skemmtilegustu tveir mánuðir jafnvel lífs míns. Það er geðveikt að vera á Akureyri og mér er búið að líða mjög vel."

Sterkustu leikmenn:
26. umferð - Tryggvi Hrafn Haraldsson (Valur)
25. umferð - Gils Gíslason (FH)
24. umferð - Gylfi Þór Sigurðsson (Víkingur)
23. umferð - Sigurður Breki Kárason (KR)
22. umferð - Viktor Jónsson (ÍA)
21. umferð - Oliver Ekroth (Víkingur)
20. umferð - Aron Sigurðarson (KR)
19. umferð - Valdimar Þór Ingimundarson (Víkingur)
18. umferð - Eiður Gauti Sæbjörnsson (KR)
17. umferð - Jökull Andrésson (FH)
16. umferð - Arnór Ingvi Traustason (KR)
15. umferð - Eiður Orri Ragnarsson (Keflavík)
14. umferð - Aron Sigurðarson (KR)
13. umferð - Aron Elís Þrándarson (Víkingur)
12. umferð - Helgi Guðjónsson (Víkingur)
11. umferð - Elías Már Ómarsson (Víkingur)
10. umferð - Freyr Sigurðsson (Fram)
9. umferð - Bjarki Björn Gunnarsson (ÍBV)
8. umferð - Anton Logi Lúðvíksson (Breiðablik)
7. umferð - Lúkas Logi Heimisson (Valur)
6. umferð - Óskar Borgþórsson (Víkingur)
5. umferð - Stefán Árni Geirsson (KR)
4. umferð - Tryggvi Hrafn Haraldsson (Valur)
3. umferð - Elías Már Ómarsson (Víkingur)
2. umferð - Vuk Oskar Dimitrijevic (Fram)
1. umferð - Emil Atlason (Stjarnan)