Neville: Þeir hafa brugðist félaginu herfilega

United bauð upp á enn eina slaka frammistöðuna þegar liðið tapaði 3-0 fyrir Bournemouth í dag.

Varnarleikur United var hreinlega agalegur í öllum þremur mörkunum og nú virðist nánast útilokað að Carrick haldi starfi sínu.

Neville gagnrýndi leikmennina, stjórnarmennina og eigendur félagsins harðlega eftir leikinn og sagði þá hafa brugðist Carrick.

„Þetta mun særa Carrick djúpt. Hann er vinsæll meðal stuðningsmanna, en það sama verður ekki sagt um eigendurna, stjórnarmennina og leikmennina. Þeir hafa brugðist Man Utd herfilega.“

„Stuðningsmenn Man Utd syngja lagið hans Carrick því ég held að þeir viti hvað er í vændum.“

„Á morgun mun félagið líklega taka ákvörðun sem mun fara illa í stuðningsmennina, en þetta er sennilega eitthvað sem verður að gera. Það er allt í rugli hjá félaginu,“ sagði Neville.