27.01.04 - 00:00
Elvar Geir Magnússon
Michael Gray til Blackburn (Staðfest)
Michael Gray er hættur hjá Sunderland eftir 14 ára veru hjá félaginu. Hann hefur nú skrifað undir samning við Blackburn til 2 og 1/2 árs. Þetta lækkar launakostnað Sunderland en ekki veitir af því eftir að liðið féll úr úrvalsdeildinni síðasta tímabil. Gray kom til Sunderland í júlí 1990 og spilaði 411 leiki fyrir félagið og skoraði 17 mörk.
Gray er 29 ára bakvörður og segir á heimasíðu Blackburn að hann sé í skýjunum með að vera kominn aftur í úrvalsdeildina. Búist er við að hann leiki sinn fyrsta leik gegn Chelsea á sunnudaginn. Fyrr á leiktíðinni var leikmaðurinn á láni hjá Celtic og lék m.a. tvo Meistaradeildarleiki.
Graeme Souness framkvæmdarstjóri Blackburn hefur verið að vinna dag og nótt að því að reyna að styrkja lið sitt. Meðal annars hefur Everton neitað tilboði frá Souness í kanadíska sóknarmanninn Tomasz Radzinski. Blackburn hefur misst Corrado Grabbi sem kominn er til Ancona og þá tapaði Blackburn fyrir Fulham í kapphlaupinu um sóknarmanninn bandaríska Brian McBride. Það er því augljóst að næst á dagskránni hjá Souness er að fá sóknarmann.
Graeme Souness framkvæmdarstjóri Blackburn hefur verið að vinna dag og nótt að því að reyna að styrkja lið sitt. Meðal annars hefur Everton neitað tilboði frá Souness í kanadíska sóknarmanninn Tomasz Radzinski. Blackburn hefur misst Corrado Grabbi sem kominn er til Ancona og þá tapaði Blackburn fyrir Fulham í kapphlaupinu um sóknarmanninn bandaríska Brian McBride. Það er því augljóst að næst á dagskránni hjá Souness er að fá sóknarmann.
