Álitsgjafar spá í Akureyrarslaginn - Verður þá með 200% fleiri mörk en Djuric

Andri Fannar Stefánsson, fyrrverandi leikmaður KA
KA 2-0 Þór

Risastór og sögulegur dagur á Brekkunni á geggjuðum nýjum velli. Trúi ekki að leikurinn verði jafn lokaður og hann var í fyrri umferðinni. ÞÞÞ verður með HM-línuna og lætur hann fljóta betur svo við fáum stórskemmtilegan leik.

Þetta verður 2-0 heimasigur þar sem mínir menn komast yfir með opnunarmarki frá Grímsa sem væri nú vel við hæfi. Þórsararnir munu síðan reyna síðan hvað þeir geta til að jafna en komast lítt áleiðis og svo innsiglar Valdimar Logi sigurinn eftir vel útfærða skyndisókn seint í leiknum.

Óðinn Svan Óðinsson, stuðningsmaður Þórs
KA 0-1 Þór

Aron Birkir skorar og verður þá með 200% fleiri mörk en Danijel Dejan Djuric.

Ragnar Bragi Sveinsson, leikmaður Fylkis og sparkspekingur
KA 4-3 Þór

AP stimplar sig inn með tvennu. Hans Viktor með eitt og Haxgrimur klárar þetta aftur með winner á 90 mínútu.

Erfiðara að spá í markaskorara hjá Þór en herra sjálfsmark mun setja eitt fyrir þá.

Arnór Gauti Jónsson, leikmaður Slaven Belupo
KA 1-2 Þór

Maður getur voða lítið lesið í deildina og gengið. Þessi leikur er önnur skepna. En ég held að Eiður Ben, kóngurinn í Þór, nái að elda eitthvað gott og þeir vinna 1-2.