Jón Dagur Þorsteinsson.
Kantmaðurinn Jón Dagur Þorsteinsson hefur skrifað undir samning við þýska félagið Herthu Berlín. Hann gengur í raðir félagsins frá Leuven í Belgíu.
Hertha, sem er stórt félag í Þýskalandi, staðfestir félagaskiptin á vefsíðu sinni í dag en Jón Dagur skrifar undir samning til 2027.
Jón Dagur er 25 ára gamall kantmaður með 37 landsleiki að baki fyrir Ísland. Undanfarin ár hefur hann leikið fyrir AGF í Danmörku og Leuven í Belgíu við góðan orðstír og nú er kominn tími á næsta skref á ferlinum.
Hertha kaupir Jón Dag frá Leuven eftir að hafa unnið kapphlaup við ýmis önnur félög sem vildu einnig kaupa íslenska landsliðsmanninn.
Hann er annar Íslendingurinn í sögu Herthu á eftir Eyjólfi Sverrissyni.
Hertha er með fjögur stig eftir þrjár umferðir í þýsku B-deildinni á nýju tímabili eftir að hafa endað um miðja deild á síðustu leiktíð með 48 stig úr 34 leikjum.
Jón Dagur #Thorsteinsson spielt ab sofort mit unserer Fahne auf der Brust! ?????? Der 25-Jährige wechselt von @OHLeuven an die Spree. Herzlich willkommen, Jón! ????https://t.co/Aq1l0J7di6 ????#HaHoHe pic.twitter.com/sTOkqUgrlF
— Hertha BSC (@HerthaBSC) August 27, 2024
Athugasemdir
