Þýska félagið Borussia Dortmund hefur áhuga á því að kaupa Jobe Bellingham frá Birmingham. Þetta herma heimildir Bild.
Jobe er yngri bróðir Jude Bellingham, sem hefur slegið í gegn með Dortmund. Jobe er 16 ára gamall og þykir mikið efni, líkt og bróðir sinn.
Báðir Bellingham-bræðurnir ólust upp hjá Birmingham. Jobe hefur spilað vel með unglingaliðunum upp á síðkastið og er viðloðandi aðalliðið þrátt fyrir ungan aldur.
Það mun örugglega heilla hann að fara til Þýskalands og vera í sama félagi og bróðir sinn.
Jude, sem er 18 ára miðjumaður, valdi Dortmund fram yfir Manchester United og fleiri félög í fyrra. Frammistaða hans með Dortmund hefur skilað honum sæti í enska landsliðinu þrátt fyrir ungan aldur.
Borussia Dortmund want to sign Jude Bellingham's 16-year-old brother Jobe Bellingham 👀
— Soccer AM (@SoccerAM) October 26, 2021
That is one talented football family 🤯
Source: BILD 📰 pic.twitter.com/poZ5VowDtP
Athugasemdir