Inter og Juventus gerðu ótrúlegt 4-4 jafntefli í stórleik helgarinnar í Seríu A á Ítalíu. Fiorentina vann á meðan 5-1 stórsigur á Roma í Flórens.
Derby D'Italia (Slagurinn um Ítalíu) er einn af þeim stærstu í ítalska boltanum.
Rígurinn milli félaganna er gríðarlegur og leggja liðin allt í sölurnar til að ná í hagstæð úrslit úr þessum leikjum.
Áhorfendur fengu allt fyrir peninginn í dag. Fimm mörk voru skoruð í fyrri hálfleiknum. Piotr Zielinski skoraði tvö vítaspyrnumörk fyrir Inter og þá komst Henrikh Mkhitaryan einnig á blað, en þeir Dusan Vlahovic og Timothy Weah gerðu mörk Juventus.
Denzel Dumfries tvöfaldaði forystu Inter á 53. mínútu og þá var leiðin til baka erfið fyrir Juventus en alls ekki ómöguleg. Thiago Motta gerði mikilvæga skiptingu á 62. mínútu er hann setti Kenan Yildiz inn á, en tyrkneski landsliðsmaðurinn bjargaði stigi fyrir Juventus með tveimur mörkum á ellefu mínútum.
Yildiz fékk boltann vinstra megin í teignum í báðum mörkunum og gerði vel í að klára færin.
Inter er í öðru sæti með 18 stig á meðan Juventus er í sætinu fyrir neðan með 17 stig.
Fiorentina kjöldró Roma, 5-1, í Flórens. Fiorentina var án Alberts Guðmundssonar í dag en það kom ekki að sök fyrir heimamenn sem unnu sannfærandi.
Moise Kean og Lucas Beltran komu Fiorentina í 2-0 á fyrstu sautján mínútunum áður en Kouadio Kone minnkaði muninn á 39. mínútu áður en Kean gerði annað mark sitt tveimur mínútum síðar.
Í síðari hálfleiknum bætti Edoardo Bove við fjórða markinu áður en þýski miðvörðurinn Mats Hummels kom boltanum í eigið net þegar tuttugu mínútur voru eftir.
Fiorentina 5 - 1 Roma
1-0 Moise Kean ('9 )
2-0 Lucas Beltran ('17 , víti)
2-1 Kouadio Kone ('39 )
3-1 Moise Kean ('41 )
4-1 Edoardo Bove ('52 )
5-1 Mats Hummels ('71 , sjálfsmark)
Rautt spjald: Mario Hermoso, Roma ('65)
Inter 4 - 4 Juventus
1-0 Piotr Zielinski ('15 , víti)
1-1 Dusan Vlahovic ('20 )
1-2 Tim Weah ('27 )
2-2 Henrikh Mkhitaryan ('35 )
3-2 Piotr Zielinski ('37 , víti)
4-2 Denzel Dumfries ('53 )
4-3 Kenan Yildiz ('71 )
4-4 Kenan Yildiz ('82 )
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Napoli | 3 | 3 | 0 | 0 | 6 | 1 | +5 | 9 |
| 2 | Juventus | 3 | 3 | 0 | 0 | 7 | 3 | +4 | 9 |
| 3 | Cremonese | 3 | 2 | 1 | 0 | 5 | 3 | +2 | 7 |
| 4 | Udinese | 3 | 2 | 1 | 0 | 4 | 2 | +2 | 7 |
| 5 | Milan | 3 | 2 | 0 | 1 | 4 | 2 | +2 | 6 |
| 6 | Roma | 3 | 2 | 0 | 1 | 2 | 1 | +1 | 6 |
| 7 | Atalanta | 3 | 1 | 2 | 0 | 6 | 3 | +3 | 5 |
| 8 | Cagliari | 3 | 1 | 1 | 1 | 3 | 2 | +1 | 4 |
| 9 | Como | 3 | 1 | 1 | 1 | 3 | 2 | +1 | 4 |
| 10 | Torino | 3 | 1 | 1 | 1 | 1 | 5 | -4 | 4 |
| 11 | Inter | 3 | 1 | 0 | 2 | 9 | 6 | +3 | 3 |
| 12 | Lazio | 3 | 1 | 0 | 2 | 4 | 3 | +1 | 3 |
| 13 | Bologna | 3 | 1 | 0 | 2 | 1 | 2 | -1 | 3 |
| 14 | Sassuolo | 3 | 1 | 0 | 2 | 3 | 5 | -2 | 3 |
| 15 | Genoa | 3 | 0 | 2 | 1 | 1 | 2 | -1 | 2 |
| 16 | Fiorentina | 3 | 0 | 2 | 1 | 2 | 4 | -2 | 2 |
| 17 | Verona | 3 | 0 | 2 | 1 | 1 | 5 | -4 | 2 |
| 18 | Pisa | 3 | 0 | 1 | 2 | 1 | 3 | -2 | 1 |
| 19 | Parma | 3 | 0 | 1 | 2 | 1 | 5 | -4 | 1 |
| 20 | Lecce | 3 | 0 | 1 | 2 | 1 | 6 | -5 | 1 |
Athugasemdir
