Paul Smith til Southampton (Staðfest)

Markvörðurinn Paul Smith er kominn til Southampton frá 2.deildarliðinu Brentford. Smith sem er 24 ára skrifaði undir fjögurra og hálfs árs samning við félagið eftir að hafa staðist læknisskoðun. Smith hefur verið orðaður við nokkur úrvalsdeildarlið að undanförnu, m.a. Portsmouth og Tottenham. Smith segir að allar aðstæður hjá Dýrlingunum hafi heillað sig og þá sé David Coles markmannsþjálfari liðsins góður kostur. Smith mun örugglega vera á varamannabekk Southampton í leiknum gegn Manchester United um helgina en aðalmarkvörður liðsins er Antti Niemi.