Kólumbíski vængmaðurinn Luis Díaz er að ganga í raðir Liverpool frá Porto fyrir ríflega 50 milljónir punda. Paul Joyce, sem er einn áreiðanlegasti blaðamaðurinn í kringum félagaskipti Liverpool, greinir frá þessu.
Stærstu miðlarnir í Portúgal greindu frá félagaskiptunum fyrstir allra í nótt og sögðu þá samkomulag í höfn milli Liverpool og Porto. Þar kemur fram að LIverpool greiðir ríflega 37,5 milljón punda og 12,5 milljónir í bónusgreiðslur.
Kólumbískir miðlar sögðu einnig frá því að þetta væri raunin en Tottenham hefur verið í viðræðum við umboðsmann Díaz síðustu daga og reynt að komast að samkomulagi við Porto.
Liverpool hefur fylgst með Díaz, sem er 25 ára gamall, síðasta árið og skráði sig inn í kapphlaupið seint. Díaz vann gullskóinn á Copa America síðasta sumarið og var þar að auki í liði mótsins.
Paul Joyce hjá Times staðfesti þessar fregnir í morgun og greindi frá því að Liverpool væri nú að ganga frá samkomulagi við Porto.
James Pearce og Neil Jones, sem hafa verið mikið í kringum félagaskipti Liverpool, skrifa einnig um þetta hjá Athletic og Goal.com. Þetta þýðir væntanlega það að Divock Origi eða Takumi Minamino fara frá félaginu í þessum glugga.
Díaz er með 16 mörk og 8 stoðsendingar í öllum keppnum fyrir Porto á þessari leiktíð en hann er nú staddur með kólumbíska landsliðinu, sem spilar leiki í undankeppni HM.
Þetta er enn eitt áfallið fyrir Tottenham. Félagið var einnig í viðræðum við Adama Traore, leikmann Wolves, en hann ákvað að ganga til liðs við Barcelona eftir að spænska félagið kom með tilboð á síðustu stundu. Þau félagaskipti verða tilkynnt á næstu dögum.
Liverpool are looking to finalise a £37.5 million deal to sign Luis Diaz after hijacking Tottenham Hotspur’s interest in the Porto winger.
— paul joyce (@_pauljoyce) January 28, 2022
Athugasemdir