„Ástæða þess að ég sé mér ekki fært að vinna með Fjölni eru breyttar forsendur í annari vinnu. Árekstrarnir verða of miklir," sagði Helena Ólafsdóttir við Fótbolta.net í dag.
Tilkynnt var í fyrrakvöld að Helena sé hætt sem þjálfari Fjölnis í 1. deild kvenna en hún tók við liðinu síðastliðið haust. Samhliða því að þjálfa hefur Helena stýrt Pepsi Max-mörkunum á Stöð 2 Sport og álagið verður mikið þar í sumar eftir breytt leikjaplan.
Tilkynnt var í fyrrakvöld að Helena sé hætt sem þjálfari Fjölnis í 1. deild kvenna en hún tók við liðinu síðastliðið haust. Samhliða því að þjálfa hefur Helena stýrt Pepsi Max-mörkunum á Stöð 2 Sport og álagið verður mikið þar í sumar eftir breytt leikjaplan.
„Þjálfun er bara þannig starf að maður verður að gefa sig 100% í þetta og það gekk því miður ekki með hinu. Mér fannst því sanngjarnast gagnvart liðinu og klúbbnum að stíga frá og fá manneskju inn sem getur verið í þessu á fullu."
„Fjölnir er með ungt og efnilegt lið sem er gaman að þjálfa og ég vona að einhver góður einstaklingur muni koma inn í minn stað á fullum krafti."
Fjölnir mætir Gróttu í 1. umferð í 1. deild kvenna föstudaginn 19. júní. Axel Sæmundsson stýrir liðinu tímabundið þar til þjálfari verður ráðinn fyrir sumarið.
Athugasemdir