Stjórnendur Newcastle United virðast vera búnir að finna arftaka fyrir Dan Ashworth, fráfarandi yfirmanni fótboltamála hjá félaginu sem er að bíða eftir að geta lokið félagaskiptum sínum yfir til Manchester United.
Sá heitir Johannes Spors og starfar í dag sem yfirmaður íþróttamála hjá fjárfestingafyrirtækinu 777 Partners, sem hefur verið að reyna að kaupa Everton undanfarna mánuði en það ferli hefur ekki borið tilætlaðan árangur.
Sky Sports greinir frá því að viðræður Spors við Newcastle séu jákvæðar og virðast vera góðar líkur á því að hann taki við starfinu.
Ashworth er í launuðu leyfi frá störfum þar til Man Utd og Newcastle komast að samkomulagi um kaupverð fyrir hann.
Newcastle hafði áhuga á að ráða Dougie Freedman frá Crystal Palace, en Freedman hefur ekki áhuga á að yfirgefa félagið að svo stöddu.
Athugasemdir
