Nenad: Þurfum að vinna fjóra eða fimm af sex síðustu leikjunum

„Þetta er mjög erfitt fyrir okkur, mjög slöpp byrjun. Áður en við fengum markið gáfum við þeim dauðafæri. Þeir hefðu getað skorað tvö mörk í viðbót fyrstu fimmtán mínúturnar."

Ægisliðið hefur hingað til fengið flest mörk á sig og meðal annars talaði Nenad um að eftir síðasta leik hjá Ægir að þeir væru búnir að fá á sig 4 mörk í þremur síðustu fyrri hálfleikjum. En í dag hleypa þeir einu marki á 90.mínútum. „Ég held að það sé ekkert jákvætt ef að við töpum leiknum, en já ef við notum það sjónarhorn þá fengum við vissulega ekki 4 í einum hálfleik eða 5-6mörk á okkur í leiknum."

Liðinu gekk brösulega að skapa sér færi og hvað þá góð færi gegn nokkuð hári og mjög sterkri vörn Njarðvíkur hér í kvöld. „Þetta virkaði ekki, við vorum aðeins að spila, áttum fyrirgjafir, bolta inn fyrir varnarlínuna og þeir gáfu okkur tvo bolta sem við gátum ekki nýtt okkur. Það vantaði uppá orkuna á síðasta þriðjung, gæði og viljan. En þá meina ég á síðasta þriðjung ef ég tala um leikinn í heildina þá og tek út fyrstu fimmtán mínúturnar þá get ég ekki kvartað út í leikmenn mína, börðust og reyndu allt en Njarðvík var einfaldlega betra liðið.

Ægir situr á botni Lengjudeildarinnar með 8stig og sex leiki eftir til að bjarga sér frá falli. „Þetta er erfitt að sjálfsögðu. Í sextán leikjum unnum við tvo. Núna í sex leikjum þurfum við að vinna fjóra eða fimm. Að sjálfsögðu er allt mögulegt í fótbolta og meðan að við eigum séns munum við ekki gefast upp en þetta verður virkilega erfitt."

Viðtalið í heild sinni má sjá í spilaranum hér að ofan.