Everton fékk refsingu fyrir brot á fjármálareglum ensku úrvalsdeildarinnar en tíu stig voru dregin af liðinu.
Þetta hefur mikil áhrif á liðið enda er það komið í fallbaráttu þrátt fyrir að hafa verið á góðu róli undanfarið en liðið tapaði síðan gegn Manchester United um helgina eftir að refsingin kom í ljós.
Breskir fjölmiðlar greina frá því að fyrirhugað hafi verið að bjóða Sean Dyche nýjan samning en óvissan um framhaldið hefur sett strik í reikninginn.
Dyche tók við í lok janúar og bjargaði Everton frá falli eftir sigur á Bournemouth í lokaumferðinni á síðustu leiktíð. Liðið hafði unnið sex af síðustu níu leikjum þegar kom að tapinu gegn United.
Athugasemdir
