Sverrir Ingi Ingason hefur fengið mikið hrós eftir leik Midtjylland og Silkeborg í dönsku úrvalsdeildinni. Leikurinn endaði með 4-1 sigri Midtjylland og skoraði Sverrir í leiknum.
Á 32. mínútu gerðist óhugnanlegt atvik er Alexander Lind, leikmaður Silkeborg, fór af miklu afli með hnéið í höfuð Martin Fraisl, markvörð, Midtjylland.
Markvörðurinn missti meðvitund í skamma stund en var kominn með meðvitund rétt áður en hann var borinn af velli og fluttur á sjúkrahús.
Lind fékk að líta rauða spjaldið fyrir þetta háskalega brot og var gráti næst er hann gekk af velli, enda umhugað um heilsu markvarðarins. Sverrir sá um að hughreysta Lind og hefur íslenski miðvörðurinn fengið mikið hrós fyrir það. Sverrir ræddi við Viaplay eftir leikinn og talaði þar um atvikið.
„Þetta er erfið staða þar sem þeir voru báðir að renna sér í átt að boltanum. Ég finn til með drengnum þar sem þetta var ekki ætlunin hjá honum, ég veit það alveg. Hann er ungur og á framtíðina fyrir sér. Ég veit að hann ætlaði sér ekki að meiða neinn en svona gerist í fótboltanum," sagði Sverrir.
„Það sem skiptir mestu máli er að það er allt í lagi með Martin. Við þurfum að standa saman þegar svona gerist."
Sverri var mikið hrósað á samfélagsmiðlum fyrir að hughreysta Lind. Blaðamaðurinn Gisle Thorsen skrifar við myndband af atvikinu: „Íslendingar eru almennt mjög indælir. Ingason, leikmaður FC Midtjylland, gerir ekkert til að afsanna það hérna."
Hægt er að sjá myndbandið hér fyrir neðan.
Det her er min anfører, hvor er Ingasson bare klasse #FCM #siffcm #sldk pic.twitter.com/trIdZWPwHp
— Michael Løve (@Micloewe) November 27, 2023
Massive, massive respect for Sverrir Ingason.
— Danish Scout (@DanishScout_) November 27, 2023
One of the first to offer comfort to Alexander Lind after he unfortunately knocked Martin Fraisl unconcious. https://t.co/9JaxErCVeJ
Islændinge er som regel sympatiske mennesker. FC Midtjyllands Ingason gør intet for at modbevise det???????????????????????? #sldk https://t.co/YtOl2JGN1w
— Gisle Thorsen (@GisleThorsen) November 27, 2023
Ingason er en kæmpe champ. Nej en lækker personlighed, klasse at trøste Lind på trods af, at det er hans skyld???????? #SIFFCM
— Malte (@MalteZigs) November 27, 2023
Sympatisk af Ingason. Hjernedødt af Lind #siffcm #midtjylland
— Nicolai Kammersgaard (@NKammersgaard) November 27, 2023
Athugasemdir