Alexander Helgi alfarið til Njarðvíkur (Staðfest)

Hann er miðjumaður fæddur 1996 og hefur komið við sögu í 15 leikjum með Njarðvík í sumar.

Hann lék á sínum tíma 18 leiki fyrir unglingalandsliðin. Hann er uppalinn hjá Breiðabliki og hefur verið á mála hjá AZ Alkmaar, Víkingi Ólafsvík, Vasalunds, KR og nú Njarðvík á sínum ferli.

Úr tilkynningu Njarðvíkur
í þessum leikjum hefur Alexander spilað virkilega vel og sýnt reynslu sína sem hann býr yfir, en á ferlinum hefur Alexander m.a. orðið Íslandsmeistari með uppeldisfélagi sínu Breiðablik, leikið fjöldan allan af yngri landsleikjum og spilað í atvinnumennsku í Hollandi og Svíþjóð.

Það gleður okkur því mikið að tilkynna að Alexander verður með okkur hið minnsta út leiktíðina 2027 og hlökkum við til að fylgjast áfram með honum stýra miðjunni hjá grænum.