Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fim 29. október 2020 11:37
Elvar Geir Magnússon
Vill að hertar aðgerðir taki gildi sem fyrst - Gilda í tvær til þrjár vikur
Víðir, Þórólfur og Alma.
Víðir, Þórólfur og Alma.
Mynd: Almannavarnir
Þórólfur Guðnason sóttvarnalæknir segir að smit hafi komist upp sem tengjast íþróttum. Búist er við því að hann skili minnisblaði í dag þar sem hann leggur til hertar aðgerðir vegna Covid-19 faraldursins.

Hann leggur það til að reglurnar muni taka gildi sem fyrst en þetta kom fram á upplýsingafundi Almannavarna í dag.

Þórólfur segist sjá fyrir sér að hertar aðgerðir þurfi ekki að standa lengur en í tvær til þrjár vikur. Hann telur rétt að reglurnar verði eins á öllu landinu.

Guðni Bergsson, formaður KSÍ, segist ekki bjartsýnn fyrir framhaldi Íslandsmótsins í fótbolta en keppni er stopp í þriðja sinn á tímabilinu.

Samkvæmt reglugerð þarf að klára keppni fyrir 1. desember en með hertari aðgerðum er útlit fyrir að ómögulegt sé að það verði hægt.

Stjórnarfundur verður hjá KSÍ í dag.

„Hljóðið er ekki gott í sóttvarnalækni en við fylgjumst grannt með fréttum fyrir helgina og sjáum hvenær þessar reglur verða kynntar. Við tökum ákvörðun um leið og við erum í stakk búin til þess, þegar betur verður komið í ljós hernig aðgerðirnar verða," sagði Guðni við Fótbolta.net í gær.
Athugasemdir
banner
banner