Rafael Victor aftur í Njarðvík (Staðfest)

„Við þekkjum Rafael, sem er stór og stæðilegur framherji fæddur árið 1996, vel en hann spilaði með okkur við góðan orðstír árið 2023 þar sem hann gerði 18 mörk í 26 leikjum," segir í tilkynningu Njarðvíkur.

Auk Njarðvíkur og Grindavíkur hefur Rafa spilað með Þrótti Reykjavík, Hetti/Huginn og Þór Akureyri á Íslandi. Alls hefur hann skorað 66 mörk í 132 leikjum á vegum KSÍ hér á landi.

„Við bjóðum Rafa hjartanlega velkominn til Njarðvíkur á nýjan leik og hlökkum til að sjá hann í grænu treyjunni í lokasprettinum í Lengjudeildinni."

Njarðvík er í fimmta sæti Lengjudeildarinnar, síðasta umspilssætinu í deildinni.