Fotbolti.net
30.09.26 - 23:30
Ívan Guðjón Baldursson

Enginn lykilmaður seldur í janúar

Enginn lykilmaður seldur í janúar
Canon

Mynd: EPA

Ensk stórveldi hafa mikinn áhuga á Alex Scott, öflugum miðjumanni Bournemouth sem lék sinn fyrsta A-landsleik fyrir England á dögunum.
Chelsea, Arsenal og Liverpool eru meðal félagsliða sem vilja kaupa Scott strax í janúarglugganum, en BBC segir að leikmaðurinn sé ekki til sölu. Bournemouth ætlar ekki hlusta á tilboð í hann í janúar, þegar Scott mun aðeins eiga eitt og hálft ár eftir af samningi.

Stórveldin tvö úr Manchester sýndu Scott líka áhuga í sumar en þeim tókst að styrkja sig á miðsvæðinu og eru því ekki lengur með í kapphlaupinu.

Scott er 23 ára gamall og hefur komið með beinum hætti að 3 mörkum í 6 fyrstu leikjum tímabilsins þrátt fyrir að spila aftarlega á miðjunni.

Scott vildi skipta um félag í sumar en Bournemouth neitaði að selja hann þrátt fyrir 64 milljóna punda tilboð frá Chelsea. Miðjumaðurinn hafnaði tveimur samningstilboðum frá Bournemouth á síðustu leiktíð og hefur ekki áhuga á að gera nýjan samning.

Á síðustu árum hefur Bournemouth gert frábæra hluti, sérstaklega miðað við hversu marga lykilmenn félagið hefur selt frá sér. Félagið er í mjög góðri stöðu fjárhagslega og að keppa í Evrópudeildinni svo enginn lykilmaður verður seldur á tímabilinu þrátt fyrir áhuga stórvelda á leikmönnum eins og Eli Junior Kroupi og Rayan.

Scott líður vel hjá Bournemouth og er sterklega búist við að hann fái að skipta um félag næsta sumar.
Enginn lykilmaður seldur í janúar
Canon

Mynd: EPA

Premier league - karlar

#LiðLmunStig
1Arsenal11+1028
2Brighton11+1722
3Man City11+822
4Liverpool11+821
5Bournemouth11+418
6Leeds11+517
7Everton10+216
8Chelsea11016
9Tottenham11+115
10Brentford10+514
11Hull City11+214
12Aston Villa11-314
13Newcastle11-313
14Coventry11-812
15Fulham11-211
16Ipswich Town11-711
17Nott. Forest11-69
18Sunderland11-99
19Man Utd11-98
20Crystal Palace11-157
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.