Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 30. nóvember 2021 14:00
Sæbjörn Þór Þórbergsson Steinke
Andri Rúnar: Þetta verður leiðinlegasta viðtal sem þú hefur tekið
Mynd: Fótbolti.net - Hafliði Breiðfjörð
Andri Rúnar Bjarnason ræddi við Fótbolta.net í dag. Hann var spurður hvort hann væri að ganga í raðir ÍBV frá danska félaginu Esbjerg en Andri gat ekki staðfest neitt í þeim efnum og vildi ekki tjá sig um málið. Samkvæmt heimildum Fótbolta.net er Andri á leiðinni í ÍBV.

„Þetta er að fara verða leiðinlegasta viðtal sem þú hefur tekið. Ég get ekki sagt neitt. Það er ekki búið að ganga frá mínum málum í Esbjerg," sagði Andri Rúnar.

„Þetta er á viðkvæmu stigi núna og það þarf að ganga frá málum mínum úti áður en næsta skref er tekið."

Hvernig er standið á þér, skrokkurinn, ertu heill heilsu?

„Ég er heill og búinn að vera heill allt tímabilið og var heill nánast allt tímabilið í fyrra, þrátt fyrir minni spiltíma. Ég er alveg heill," sagði Andri Rúnar.

Andri hefur byrjað tvo leiki með Esbjerg á tímabilinu og komið inn á í tveimur. Þá kom hann inn á í einum deildarleik. Hann hefur ekki verið í leikmannahópnum hjá aðalliðinu síðan í ágúst.
Athugasemdir
banner
banner