Eistland 1 - 1 Ísland
0-1 Rúrik Gíslason ('9)
1-1 Konstantin Vassiljev ('55)
0-1 Rúrik Gíslason ('9)
1-1 Konstantin Vassiljev ('55)
Eistland og Ísland gerðu 1-1 jafntefli í vináttuleik í Tallinn í Eistlandi í dag. Fyrir leikinn fékk Raio Piroja, varnarmaður Eista, mikið af góðum gjöfum en hann var að spila kveðjuleik sinn með landsliðinu. Piroja fékk meðal annars gúmmíbát að gjöf en hann spilaði einungis fyrstu tólf mínúturnar í dag.
Piroja var þó inni á vellinum þegar fyrsta markið leit dagsins á níundu mínútu. Haukur Heiðar Hauksson fékk þá sendingu hæga megin og eftir fyrirgjöf framlegndi Jón Daði Böðvarsson boltann á Rúrik Gíslason sem renndi boltanum í hornið.
Jöfnunarmarkið kom eftir níu mínútur í síðari hálfleik. Emil Hallfreðsson tapaði boltanum á miðjunni og Konstantin Vassiljev geystist fram. Konstantin tók gabbhreyfingar fyrir framan varnarmanninn Ragnar Sigurðsson og smellti boltanum síðan í fjærhornið.
Mörkin urðu ekki fleiri þó að bæði lið hafi fengið færi til að skora. Ísland átti fleiri hættulegar marktilraunir en inn vildi boltinn ekki.
Ísland gerði einnig tvívegis sterkt tikall til að fá vítaspyrnu. Fyrst þegar Taijo Teniste togaði í Alfreð Finnbogason í færi í fyrri hálfleik og síðan þegar Ken Kallaste fékk boltann í höndina í síðari hálfleik. Dómarararnir frá Lettlandi dæmdu hins vegar ekkert.
Lið Íslands:
12. Ögmundur Kristinsson (m)
3. Hallgrímur Jónasson
4. Hörður Björgvin (Ari Freyr Skúlason '46)
5. Jón Guðni Fjóluson (Ragnar Sigurðsson '46)
11. Alfreð Finnbogason
15. Jón Daði Böðvarsson (Jóhann Berg Guðmundsson '46)
16. Guðlaugur Victor Pálsson (Ólafur Ingi Skúlason '46)
18. Haukur Heiðar Hauksson
19. Rúrik Gíslason (Birkir Már Sævarsson '85)
20. Emil Hallfreðsson (Rúnar Már Sigurjónsson '59)
21. Viðar Örn Kjartansson
Ónotaðir varamenn:
1. Hannes Þór Halldórsson (m)
13. Ingvar Jónsson (m)
8. Birkir Bjarnason
9. Kolbeinn Sigþórsson
14. Kári Árnason
Athugasemdir